منتديات احلى ملاك
اهلا بك فى منتديات احلى ملاك

منتديات احلى ملاك

لا اله الا انت سبحانك انى كنت من الظالمين
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلالتسجيلدخول

شاطر | 
 

 موديلات لدبل الخطوبة روعة تعالووووووووووووووو؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشقة الروح
مشرف قسم ابتسم
مشرف قسم ابتسم
avatar

انثى عدد الرسائل : 33
العمر : 26
تاريخ التسجيل : 29/02/2008

مُساهمةموضوع: موديلات لدبل الخطوبة روعة تعالووووووووووووووو؟؟   الأربعاء 23 أبريل 2008 - 18:17

ودلوقتي أكيد نفسك تعرفي إيه هي الموضة
تعالي نتفرج مع بعض
بالنسبة للدبلة



طبعًا الدبلة لها مكانة مميزة في الاختيار؛ وده لأنها هي رمز الارتباط بين أي اتنين، وبانصح أي بنت وولد على وش خطوبة، ومش معاهم مبلغ كبير أنهم يكتفوا بالدبل وبس.
وبالنسبة لطريقة اختيارك للدبلة
فدي حاجة سهلة جدًّا.. كل اللي عليكِ إنك وإنت عند الصايغ تلبسي أكتر من شكل، وتشوفي شكل كل واحدة عامل إيه في إيدك، لو حاسة إنها لايقة عليكي يبقى اتكلي على الله، واختاريها، لكن لو حاسة إنها مش لايقة عليكي يبقى اختاري تصميم تاني..
وبالنسبة للموضة:
فالدبل بالذات موضتها مش بتنتهي يعني الشكل القديم اللي كان موجود زمان أيام مامتك هتلاقيه موجود دلوقتي موضة برضه، بالإضافة إلى ظهور تصميمات جديدة تانية زي:
الدبلة المكونة من "الدهب الأبيض" في "الأصفر"، وفي "الدهب الأبيض" الخالص، وفي "الدهب الأصفر" الخالص.

وفي الدبل اللي فيها مجموعة من الفصوص الصغيرة، وفي اللي فيها فص واحد صغير، وفي الدبل العريضة، والدبل الرفيعة، وفي النهاية الاختيار بيرجع لكي أنتِ.

ودي مجموعة من الدبل علشان
يكون عندك فكرة عن الموجود


اضغطي على الصورة
لمشاهدة مجموعة أخرى من الصور

وخدي بالك..
إنك بعد ما تختاري الدبلة تطلبي من الصايغ إنه يحفر عليها مثلاً أول حرف من اسمك، وأول حرف من اسم خطيبك، أو تاريخ الخطوبة أو تاريخ أول لقاء، وفيه حاجة تانية طالعة جديد، وهي إنك تكتبي على الدبل كلمة حب مثل "...To My Love". وتكتبي اسمه..

وعلى فكرة ممكن إن خطيبك يختار دبلته بنفس الشكل بتاع الدبلة بتاعتك.

الدبلة الماسية

والدبلة الماسية أو "المحبس" زي ما فيه ناس كتير بتقول عليه هو الإطار اللي بيحيط بالدبلة، وفيه منه أشكال كتير، علشان كده لازم تبقي ذكية، وتختاريه مناسب للدبلة، بحيث يبان هو والدبلة كأنهم شيء واحد..
فمثلاً
لو اختارتي دبلة دهب أصفر خالص يبقى لازم المحبس يكون دهب أصفر.

لكن لو الدبلة دهب أبيض يبقى اختاري المحبس هو كمان دهب أبيض، وابعدي نهائي عن الدهب الأصفر.

لو الدبلة دهب أصفر في أبيض يبقى في الحالة دي عندك حرية في الاختيار إنك تختاريه أصفر أو أبيض..


وخدي بالك كمان إن لو الدبلة عريضة يبقى يا ريت إنك تختاري المحبس رفيع، والعكس طبعًا لو الدبلة رفيعة يبقى اختاري المحبس عريض..
باقي الشبكة يا قمر
بالنسبة لباقي الشبكة فاختيارها بيرجع ليكي إنت، ولذوقك الشخصي وإمكانيتك المادية، فممكن إنك تختاريها عبارة عن
توينز:

وبيبقى عبارة عن الدبلة الماسية "المحبس" والخاتم بيكون بفص ماس ¼ قيراط، وعلى فكرة الماس فيه منه ألوان، فبجانب اللون الشفاف التقليدي برضه فيه ألوان تانية زي الوردي، الأصفر، الأزرق، البنفسجي، وكمان الفص فيه منه أشكال كتير زي المثلث، والمربع، والبيضاوي، والمستطيل..
وعلى فكرة تَمَن الماس بيحدده مقاييس محددة زي النقاء، طريقة القطع، اللون والقيراط.
طقم دهب كامل:
كمان ممكن إنك تختاري الشبكة عبارة عن طقم دهب كامل سواء دهب أبيض أو أصفر ..
توفّقي طقم:

وممكن إنك تختاري إنسيال وسلسلة وخاتم وحلق يكون شكلهم مناسب لبعض بحيث إنهم يبانوا كأنهم طقم واحد.


وقبل ما ننهي كلامنا
بنقول لكل البنات اللي على وش خطوبة أو زفاف: ألف مبروك، وعقبال باقي البنات..

وأي بنت عندها سؤال لسه محيرها بخصوص موضوع الشبكة تبعت لنا وإحنا هنرد عليها على طووول
وأوعوا تنسوا تبعتوا آراءكم وتعليقاتكم الجامدة قوووي..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بحبك
عضو فعال
عضو فعال


انثى عدد الرسائل : 157
العمر : 29
تاريخ التسجيل : 12/03/2008

مُساهمةموضوع: رد: موديلات لدبل الخطوبة روعة تعالووووووووووووووو؟؟   الخميس 24 أبريل 2008 - 7:07


مشكووووووور
موضوع مميز
نتمنى منك المزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ريتاج
مشرف عام
مشرف عام
avatar

انثى عدد الرسائل : 1773
العمر : 31
sms : أحمدك ربي أنك ربي
تاريخ التسجيل : 18/03/2008

مُساهمةموضوع: رد: موديلات لدبل الخطوبة روعة تعالووووووووووووووو؟؟   الخميس 18 سبتمبر 2008 - 15:28

رائع جدا والله

شكرا على مجهودك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
موديلات لدبل الخطوبة روعة تعالووووووووووووووو؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احلى ملاك :: ادم وحواء :: عالم الموضة-
انتقل الى: