Hitskin.com

اسمى زهرة ..
كنت أحب اللعب هناك وكانت عندى ..
أجملُ هرّة ..
كان البيت حميلاً حقاً ..
تلمح منه جمال النهر ،،
.. ووجه الخضرة ..
ومن الشرفة ..
كنت أراقب سرب الطير ..
، يحلق تحت صفاء الزرقة ..
وأخى الأصغر ..
_ لست الصغرى _
كان يحاكى كل صباح ..
ذاك البلبل فوق الشجرة ..
وأخى الأكبر ..
_ لست الكبرى _
كان يسابق بالدراجة ..
كلب العمة عند الترعة .!
وأبى الحضن الدافئ فينا..
تلمح فى شفتيه البسمة ..
كنت أحب أبى .. أهواه ..
حين يصلى كنت كثيراً ..
أركب ظهرة ..
بقيت أمى قلب الأسرة ..
ذاك الوجه الأنور دوما ..
يبعث فينا الحب وسحرة
كنا نسمر كل مساءٍ ..
نسمع منها أحلى قصة ..
هى ذى الأسرة ..!!
عفواً .. أعنى ..
كانت أسرة ..!!!!

***********

فأبى ..
كان يصلى المغرب ..
حين سمعنا صوت الضجة ..!!
حين تهافت قصف النار..
ليقتل فينا الحب وسحرة .،
هذه الكومة كانت بيتى ..!!
هذى الجثة كانت أمى ..!!
هذى الفحمة .. كانت ..!!
ويحى ..!! كانت أبتى ..!!
فأبى الأعزل حرقوا جسده ..
غصبوا الطهر بأمى قسراً ..!!
وقضى الغاصب منها وطره ..!!
وأخى الأصغر فزعاً يجري
حتى قد قتلته الحسره ..!!
وأخي الأكبر دافع عني
حتى أنهى القاتل أمره
خنقوا فيه الصوت سريعاً ..
ودنا نحوى منهم ..عشرة ..!!
وانا أستجديهم .. رحمة ..!!
أنا برعومٌ إنى زهرة ..!!
لست بأنثى .. إنى طفلة ..
بُحَّ الصوت..!!
وجف الدمع ..!!
وظل القلب الأسود صخرة .. !؟!

كانت هذى قصة زهرة ..
وجدت فوق تلال الموتى ..
تحت حطام ...
كرامة أمة .. !!!

الترابتوت الترابتات ..
لأ اوعى تفوت دا التعلب فات
وقطف وخطف ونأف وغرف ..
وأخد ييجي كام مليون دولارات
واهو ساب وهرب بعد اما نهب ..
عجبين وعجب ..
دا رجع ولعب وكأنه ما فات

الترابتوت .. يا وابور يا حديد ..
ودبل شبكتنا حتبقى حديد
وان قلنا كفاية يقولوا مزيد ..
ما هو أصله زمان العز شديد
وياخد ما يفوت غير العضمات ..
الترابتوت الترابتات

الترابتوت .. يا رغيف العيش ..
أبو سم بكام .. ما تقول يا عليش
وابو رمل بكام وابو نمل بكام وابو ذل بكام ..
وبكام بقشيش ؟
يا رغيف مسخوط اسم الله عليك ..
واقف مبسوط ولا أجدع كيك
يا سعادة البيه .. يابو نص جنيه ..
اعمل فيك ايه ؟؟ وانا باحلم بيك
أمال لو كنت بجد نضيف ..
فاهم يا رغيف ؟

الترابتوت الترابتيت ..
النقطة بكام يا بتاع الزيت .. ؟؟
وده زيت معمول بحمام زغلول ؟؟!
والله احلويت بعد اما غليت وعليت وبقيت
زيت فوديكا يا زيت
على حبة فول حاكلك وحاقول
ابعد يا عزول أنا مش مسطول
ولا شارب زيت

التربتوت ع الحريات ..
الكل حيدخل لانتخابات ..
صور يا زمان وارقصوا يا بنات
هاتوا الصناديق واملوا الورقات ..
واختاروا بجد اللي تحبوه ..
ملعون الغش ويلعن ابوه ..
أيوه .. سلامات ياجدع حاسب لتتوه
وكفاية يا عم اتعشى وبات ..
وان جيت تحلم .. احلم بسكات ..
ولا ترابتوت ولا ترابتات ..
ولا تعلب جه ولا تعلب فات ..
واما تخلص حبسك وتفوت ..
من باب الحجز اجري وقول توت ..
وارقص واتمخطر بالنبوت ..
يابن اللي أكيد عملوا الصالحات
سمعنا يا عم الترابتوت ..
خلينا نقول الترابتات

بين السهاد والمنام .. بين همستي ونوحي
تاه من لساني الكلام .. واتسرسبت روحي
ولقتني جنب النبي ..
واقف على حوضه ..
طبطب على منكبي ..
وسقاني من جوده

وكأن إيد النبي ..
فردت شراع مركبي
ولقيت فؤادي صبي
واتعطرت روحي

بين السهاد والمنام ..
ودموع تواسيني
تاه من لساني الكلام ..
واتسمرت عيني
على كف سيدي النبي
يمسح على جبيني
وانا من جمال النظر
لسه ف عيوني أثر
وكأن وجه القمر
ساكن على جبيني

بين السهاد والمنام
والدمع في النني
تاه من لساني الكلام
وفؤادي تاه مني
لما لقيت النبي
الله .. بيحضني
وكأن حضنه دوا
طهر جراح الهوى
وصحيت وقلبي نوا
في الدنيا يهجرني

بين السهاد والمنام
بين زفرتي وهمسي
تاه من لساني الكلام
واتململت نفسي
لما لقيت النبي
أقرب لي من نفسي
يا رب بابك امل
ومحبتك تكتمل
بمحبته والعمل
عهدٍ على نفسي
بين السهاد والمنام
تاه من لساني الكلام واتسرسبت روحي

كل لحظة ف عمرى عدت
كنت أقدر يا أمه أجيكي
وف إدية حاجه ليكي
واحضنك
وأبوس إيديكي
بس عدت مني من غير كل ده
باندم عليها

كل كلمة حب يا أمه
كنت ممكن يوم أقولها
تسعدك
بس ملحقتش اقولها بانقهر
واندم عليها

كل لقمة طعمها
كان حلو يا امه أكلتها
من غير ماجيب لك زيها
وانا كنت أقدر أسعدك لو جبتها
بس هنتى عليه يامه بافتكر
واندم عليها

كل لحظة يامه سبتك
تزعلى مني وفتك
واتنست من كتر طيبتك
بس ما ندمتش عليها
أو رجعت أوام يا أمي
أطلب الغفران عليها
كل دمعة يا أمي فرت من عنيكي
وانت بتبصي لقساوتي وعندي ليكي
واتنست من كتر طيبتك
والضنا ما يهون عليكي
بس ما ندمتش عليها باعتذر
والله آسف جاي باتندم عليها

كل يا امه ما افتكر ..
ان قلبك كان طريق للجنة باب للمرحمة
باب رضاكي يامه مفتوح من إديكي للسما
كنت عارف أيوه عارف إنما
من غفلتي
اتقفل من يوم ما غبتي عن حياتي ودنيتي
والنهاردة جاي اوصي كل واحد لسه عنده الباب موارب للنعيم
روح وبوس إيد الحبيبة
روحلها وكفاية غيبة
وابكي بالدمعة القريبة

روح يا صاحبي اتوضا من بسمة حنانها
واروى قلبك من أمانها
قلها آسف يا أمي
قلها سامحي يا امي
قلها فضفض وحكي
وارتمي في الحضن واشكي
وابتسم واضحك أو ابكي
بس روح والحق وخللى القلب
بالخير يغتسل
قبل ما الباب يتقفل
قبل ما تعدي الليالي وتنقهر
زيي عليها
روح وبوس يللا اديها
روح وبوس يللا اديها

يا يوم ميلادي .. رفقاً فأيامي .. تمضي إلى قبري .. تجتاح أحلامي

اليوم يوم ميلادي فقد أتم الله لي خمساً وثلاثين عاماً ... ياااااه ... تصدقوا لسه فاكر لما كملت خمستاشر سنة .. وانا في أولى ثانوي وبدأت أفهم إني محاسب على أعمالي وساعتها كنت رقيق جداً وبابكي على أي معصية وباعد أخطائي بالواحدة .. كنت ملازم المسجد والإخوة وكان لي نشاط وحيوية وكان وكان وكان ...

سبحان الله عشرين سنة هي الفاصل بين لحظتين واقف باقارن بينهم الآن .. يا ترى العشرين سنة دول ملفهم نضيف يدخلني الجنة ولا كلهم بقع ورقع واوراق زائفة ..!!! تصدقوا أنا خايف بجد ... سبحان الله والحمد لله ولا إله إلا الله والله أكبر ولا حول ولا قوة إلا بالله العلي العظيم

ما كانش قصدي أكتب كل ده .. كنت جاي أكتب 5 كلمات وبس والله ..

تقبلو خالص نحياتى

Hitskin.com

قصه زهره.................